ევროპის რეკონსტრუქციისა და განვითარების ბანკმა (EBRD) რუსულ კომპანიას 49 მილიონი ევროს ღირებულების ტენდერზე ხელშეკრულების გაფორმების პროცესი შეუჩერა - ინფორმაციას BMG ავრცელებს.
გასული წლის ბოლოს EBRD-ის ტენდერში, რომელიც თბილისის მეტროსთვის 44 ვაგონის შესყიდვას ითვალისწინებდა, რუსულმა კომპანია Метровагонмаш-მა გაიმარჯვა. ხელშეკრულების მოცულობა 49.2 მილიონი ევრო (175 მილიონი ლარი) იყო.
გამოცემის ცნობით, თბილისის მერიაში განმარტავენ, რომ ხელშეკრულების გაფორმების პროცესი EBRD-მ შეაჩერა.
