უკრაინის დასავლური იარაღით მომარაგება ართულებს სიტუაციას, ეს იარაღის კოლონებს რუსეთის შეიარაღებული ძალებისთვის ლეგიტიმურ სამიზნეებად აქცევს - აცხადებს რუსეთის საგარეო საქმეთა მინისტრის მოადგილე სერგეი რიაბკოვი:
„ჩვენ გავაფრთხილეთ შეერთებული შტატები, რომ უკრაინის შეიარაღება რიგი ქვეყნებიდან არის არა მხოლოდ საშიში ნაბიჯი, არამედ ქმედება, რომელიც შესაბამის კოლონებს ლეგიტიმურ სამიზნეებად აქცევს"- ამბობს ის.
რუსი მაღალჩინოსანი, ვითარების ესკალაციაში აშშ-ს ადანაშაულებს.
"ეს არის შეერთებული შტატები, რომელიც არის მაქსიმალური დაძაბულობის წყარო საერთაშორისო პლატფორმებზე. მე არ ვსაუბრობ იმაზე, თუ რას აკეთებენ ისინი მატერიალური თვალსაზრისით, მხარს უჭერენ კიევის კრიმინალურ რეჟიმს", - აცხადებს ლავროვის მოადგილე.
