მიხეილ სააკაშვილის სასამართლო დღეს მესამე პრეზიდენტის მხრიდან დარბაზის დატოვების შემდეგ, დაცვის მხარის მტკიცებულებების გამოკვლევით გაგრძელდა.
მესამე პრეზიდენტის ადვოკატებს ორი შუამდგომლობა ჰქონდათ - საქმეს დართვოდა ირაკლი ღარიბაშვილის განცხადება იმის დასადასტურებლად, რომ ბრალდება პოლიტიკურია და ასევე მოსამართლეს გამოეცა განკარგულება, რომელიც პენიტენციურს დაავალებდა ადეკვატურ მკურნალობას მესამე პრეზიდენტისთვის. ბადრი კოჭლამაზაშვილმა არც ერთი შუამდგომლობა არ დააკმაყოფილა.
თბილისის საქალაქო სასამართლოში დღეს ე.წ. პიჯაკების საქმის განხილვა მიმდინარეობდა. პროცესის დასაწყისში მიხეილ სააკაშვილი სიტყვით გამოვიდა და პოლიტიკური განცხადებები გააკეთა.
იხილეთ მიხეილ სააკაშვილის გამოსვლა:
- ჩვენ გვამზადებენ კაპიტულაციისთვის, ჩვენ გვამზადებენ ჩაბარებისთვის ლოზუნგით - აბა ომი ხომ არ გინდათ? - მიხეილ სააკაშვილი;
- უკრაინა როგორც წესი ეყრდნობა ინგლისის და ამერიკის დაზვერვის მონაცემებს - მიხელ სააკაშვილი კონტრაბანდაზე;
- მე ვარ პუტინის ტყვე, საქართველოში ბოლო თვეებში თუ ვინმე ჩამოდის, ჩამოდის ჩემ თემაზე - მიხეილ სააკაშვილი;
- საუკუნოვანი სირცხვილია ის, რაც ხდება დღეს ჩვენსა და უკრაინას შორის - მიხეილ სააკაშვილი;
- ომის პარტია არის ის, ვინც ქადაგებს, რომ ჩვენ რუსეთის დაკრულზე უნდა ვიცეკვოთ - მიხეილ სააკაშვილი
