ჩვენთან ერთად მოიპოვეთ თავისუფლება!
საერთაშორისო სანქციებს საქართველო არ შეუერთდება - "ქართული ოცნება" კვლავ ადასტურებს საკუთრ პოზიციას და აგრძელებს კრემლის ინტერესებში მოქმედებას. მმართველ პარტიაში ამტკიცებენ, რომ სანქციებთან შეერთებით რუსეთისთვის რაიმე მნიშვნელოვანი ზიანის მიყენებას საქართველო ვერ შეძლებს.
თუმცა საპირისპიროს ამტკიცებს ოპოზიცია და ასახელებს კონკრეტულ შეზღუდვებს, რომლებიც საქართველომ უნდა შემოიღოს - მათ შორის, შეიზღუდოს სახელმწიფო ტენდერებში რუსული კომპანიების მონაწილეობა, დაიხუროს საზღვარი სანქცირებული რუსი პოლიტიკოსებისთვის და ქართველმა მესაზღვრეებმა მიიღონ კონკრეტული ინსტრუქცია რუსეთში ექსპორტისთვის შეზღუდულ საქონელზე.
