ვფიქრობ, დრო მოვიდა, ბიძინა ივანიშვილის წინააღმდეგ პერსონალური სანქციების საკითხი წამოვჭრათ - პავილიონისი
გამოქვეყნდა:
"ჩვენ უკვე დავიღალეთ საქართველოს ამჟამინდელი ხელისუფლებისთვის იმის ახსნით, თუ რაოდენ მნიშვნელოვანია, არ აპატიმრებდე პოლიტიკურ ოპონენტებს, ოპოზიციური არხების ხელმძღვანელებს და არ უარყოფდე საგზაო რუკებს" - ამის შესახებ "მთავარ არხთან" ლიეტუვის სეიმის წევრმა, ჟიგიმანტას პავილიონისმა განაცხადა.
პავილიონისი ფიქრობს, რომ ახლა დროა, ბიძინა ივანიშვილის წინააღმდეგ პერსონალური სანქციების დაწესების საკითხი დადგეს.
"ჩვენ უკვე დავიღალეთ საქართველოს ამჟამინდელი ხელისუფლებისთვის იმის ახსნით, თუ რაოდენ მნიშვნელოვანია, არ აპატიმრებდე პოლიტიკურ ოპონენტებს, ოპოზიციური არხების ხელმძღვანელებს და არ უარყოფდე საგზაო რუკებს. სამწუხაროდ, ახლა, როდესაც დრო ასე მნიშვნელოვანია, როდესაც ძალიან მალე ევროკომისიამ გადაწყვეტილება უნდა მიიღოს საქართველოსთვის კანდიდატის სტატუსის მინიჭებასთან დაკავშირებით, საქართველოს მთავრობა აკეთებს ყველაფერს, რომ არ აღმოჩნდეს ევროპისკენ მიმავალ ამ მატარებელზე. შესაძლოა, ბიძინა ივანიშვილის განზრახვა თავიდანვე ის იყო, საქართველოსთვის ევროპული გზა ჩაეკეტა და ახლა, მე ვფიქრობ, რომ დრო მოვიდა, მის წინააღმდეგ პერსონალური სანქციების საკითხი წამოვჭრათ. იმიტომ, რომ საქართველო ევროპული ქვეყანაა და ყველა იმ რეფორმამ, რომელიც თქვენ გაატარეთ ვარდების რევოლუციის შემდეგ, თქვენი ქვეყანა ევროატლანტიკური ინტეგრაციის უმაღლეს ეშელონებში დააყენა. სწორედ ამიტომ მოახდინა პუტინმა 2008 წელს ომის პროვოცირება, მან ვერ აიტანა ის, რომ საქართველო სრულიად აკმაყოფილებდა ევროინტეგრაციის მოთხოვნებს", - ამბობს ჟიგიმანტას პავილიონისი
ცნობისთვის, დღეს ვილნიუსში, ლიეტუვა საქართველოს ფორუმზე განხილვის ერთ-ერთი თემა, მოსამართლე ლაშა ჩხიკვაძის გადაწყვეტილება იქნება, რომელმაც "მთავარი არხის" გენერალურ დირექტორს, ნიკა გვარამიას 3 წლითა და 6 თვით პატიმრობა მიუსაჯა.
ასევე იხილეთ:
- სამწუხაროა იმის დანახვა, როგორ კარგავს საქართველო შესაძლებლობას - პავილიონისი EU-ში გაწევრიანებაზე
- ქართველი ხალხი ბიძინა ივანიშვილის მძევლად იქცა, რომელსაც ევროპის მოსაზრებები არ ანაღვლებს - იუკნევიჩიანე
- ქიბარ ხალვაში ნიკა გვარამიასგან და კახა დამენიასგან 6,7 მილიონ ლარს ითხოვს
- ნიკა გვარამიას მოსამართლემ 3 წლითა და 6 თვით პატიმრობა შეუფარდა
- ნიკა გვარამია სასამართლო დარბაზში დააკავეს [ფოტო]
