პოლიტიკური სასამართლოს მიერ ნიკა გვარამიასთვის გამოტანილ პოლიტიკური განაჩენში მოულოდნელი არაფერი ყოფილა. ამ საქმის შეკერვის პირველივე დღიდან ყველასთვის, მათ შორის გვარამიას პირადი ოპონენტებისთვისაც კი გასაგები იყო, რომ მიზანი მისი დაპატიმრება, საშუალება სასამართლო, მიზეზი კი მთავარი არხი იყო, მაგრამ აბსურდულ ბრალზე გამოტანილი აბსურდული განაჩენის შემდეგ ყველაზე საინტერესო მოსამართლის დასაბუთება იყო. რამდენიმე დღის წინ ლაშა ჩხიკვაძემ როგორც იქნა გამოაქვეყნა დასაბუთება, რომელიც ქართულ მართლმსაჯულებას კიდევ უფრო სასაცილო მდგომარეობაში აგდებს.
