რუსთაველის გამზირზე "რესპუბლიკური პარტიის" წევრებზე დავით ბერძენიშვილსა და ხათუნა სამნიძეზე თავდასხმის გამო პოლიციამ 2 პირი დააკავა.
დეპუტატმა მანამდე Facebook-ზე გამოაქვეყნა პოსტი, სადაც წერდა, რომ ორმა კაცმა მას ფიზიკური და სიტყვიერი შეურაცხყოფა მიაყენა.
დეპუტატი ამბობს, რომ პოლიცია ადგილზე თავად მიიყვანა, თავდამსმელები კი მათ სამართალდამცავების თანდასწრებითაც ემუქრებოდნენ - "მეფეზე როგორ ლაპარაკობთ, ეს სიტყვები მახსოვს".
ხათუნა სამნიძე "მთავარ არხთან" ამბობს, რომ თავდასხმა პოლიტიკური ნიშნით მოხდა. ერთ-ერთი თავდამსხმელი მან ამოიცნო, რადგან ის სხვა ჰომოფობიური ნიშნით გამართულ პროტესტების აქტიური მონაწილე იყო.
