ნიკა გვარამიას პოლიტიკური დევნის კიდევ ერთი მყარი მტკიცებულება. ოფიციალური სტატისტიკა ადასტურებს, რომ "მთავარი არხის" დამფუძნებლის მიმართ განაჩენი არ იყო ნაკარნახევი არც კანონის მოთხოვნით და არც სასამართლო პრაქტიკით.
ფაქტების მიხედვით, ბოლო 5 წლის განმავლობაში მსგავს დავაზე სასამართლომ 11 საქმეში გამოიტანა გამამტყუნებელი განაჩენი, თუმცა 19 პირიდან თავისუფლების აღკვეთა არცერთისთვის არ მიუსჯიათ.
ეს მონაცემები უზენაესი სასამართლოდანაა გამოთხოვილი და სამოქალაქო ორგანიზაციების ექსპერტები მიიჩნევენ, რომ სწორედ ამ მასალებით მტკიცდება მოსამართლე ლაშა ჩხიკვაძის განაჩენში პოლიტიკური მოტივის არსებობა.
