"ოცნების" ლიდერების განცხადებები ძალადობის პოლიტიკური მიზნებისთვის გამოყენების სახიფათო პრეცედენტს ქმნის - DRI
გამოქვეყნდა:
"ქართული ოცნების" ლიდერების განცხადებები ძალადობის პარტიული პოლიტიკური მიზნებისთვის გამოყენების სახიფათო პრეცედენტს ქმნის, - ასე გამოეხმაურა "დემოკრატიის კვლევის ინსტიტუტი" მმართველი გუნდის წევრების კომენტარებს დავით ბერძენიშვილსა და ხათუნა სამნიძეზე მომხდარი თავდასხმის შემდეგ.
როგორც ორგანიზაციის განცხადებაშია აღნიშნული, ძალადობის დაუშვებლობაზე ხაზგასმის ნაცვლად, 7 ივნისს, პლენარულ სხდომაზე პარლამენტის თავმჯდომარის მოადგილემ არჩილ თალაკვაძემ და პარტია "ქართული ოცნება - დემოკრატიული საქართველოს" თავმჯდომარე ირაკლი კობახიძემ პოლიტიკოსებზე ძალადობის წამახალისებელი განცხადებები გააკეთეს.
"მათი რიტორიკა, რომელიც დაზარალებულებზე ძალადობის გაკიცხვის ნაცვლად, ოპოზიციონერებისგან მტრის ხატს ქმნის, განსხვავებული აზრის მქონე ადამიანების ფიზიკური დევნის საფრთხეს შეიცავს", - აცხადებენ ორგანიზაციაში.
დაზარალებულების სამართლებრივ ინტერესებს დემოკრატიის კვლევის ინსტიტუტი იცავს.
ამავე თემაზე:
- ბერძენიშვილზე თავდამსხმელს ბრალი პოლიტიკურ მოღვაწეობასთან დაკავშირებით, ძალადობით განხორციელებული დევნის ფაქტზე წარუდგინეს
- არავინ უცემიათ" - კობახიძე ბერძენიშვილსა და სამნიძეზე
- ბერძენიშვილები ენმ-ს მეორე სიხშირეა, რომ გადართავენ ენმ-ის ლიდერები ექსპერიმენტებს ატარებენ ფასეულობებზე - თალაკვაძე
- ბერძენიშვილები, ბოკერიები, სააკაშვილები, გვარამიები არიან ახალი დროის ბოლშევიკები - კობახიძე
