ევროპარლამენტარი ვიოლა ფონ კრამონი "თვითერის" ოფიციალურ გვერდზე საქართველოს საკონსტიტუციო ცვლილებებს აფასებს. ფონ კრამონი ქვეყანას ახალი საარჩევნო სისტემის მიღებას ულოცავს. მისი აზრით, ეს ცვლილება საპარლამენტო არჩევნების უფრო დემოკრატიულად და სამართლიანად ჩატარებას შეუწყობს ხელს.
ევროპარლამენტარი ქვეყნის ყველა პოლიტიკურ პარტიას ურჩევს, დემოკრატიული პროცესების ხელშესაწყობად გაითვალისწინონ შემდეგი რეკომენდაციები:
- მიიღონ საარჩევნო კოდექსი, რომელიც სრულად ასახავს ODIHR-ის რეკომენდაციებს;
- უზრუნველყონ მშვიდობიანი და თავისუფალი წინასაარჩევნო პერიოდი;
- თავი შეიკავონ ქმედებებისგან, რომლებიც პოლარიზაციასა და ძალადობას გამოიწვევენ;
- "ქართული ოცნება" უნდა მოერიდოს ადმინისტრაციული რესურსებისა და ფინანსების უსამართლო გამოყენებას.
