ზურაბიშვილმა ღარიბაშვილს განცხადება მოუწონა და 20 ივნისის აქციის მონაწილეებს მიმართა

სალომე ზურაბიშვილმა "შინ ევროპისკენ" აქციის დაწყებამდე საგანგებო განცხადება გააკეთა და მონაწილეებს მიმართა. მან სიმშვიდის შენარჩუნებისკენ მოუწოდა ყველას, გარდა ამისა სალომე ზურაბიშვილმა ირაკლი ღარიბაშვილის დღევანდელი განცხადებაც მოიწონა:

"მე მინდა მივესალმო ყველა იმ ადამიანს, ვინც აპირებს გამოსვლას დღეს დემონსტრაციის დროს. ეს არის მნიშვნელოვანი, რომ ვაჩვენოთ ჩვენი სახე და ეს სახე უნდა იყოს მშვიდი. ჩვენ ვიცით, რა გვინდა, როგორი ევროპა და საქართველო გვინდა. ეს არის ის, რაც უნდა ვაჩვენო.

მინდა კიდევ ერთხელ მივმართო ყველას, რომ არავინ მოვიდეს აქ ექსცესებისთვის და მივმართო სამართალდამცავებს, რომ ყველანაირად იყოს შენარჩუნებული სიმშვიდე, რამეთუ ეს მშვიდი კადრები იქნება ის, რაც გავა ევროპის ყველა ეკრანზე და ეს იქნება ერთ-ერთ ნაწილი იმ გადაწყვეტილებების, რომელიც იქნება მისაღები.

მინდა შევაფასო დადებითად ის განცხადება რაც დღეს გაკეთდა პრემიერის სახით. ეს არის სწორი, ეს არის ის მიმართულება რაც ჩვენ გვინდა და მე მგონი ესეც იქნება სწორედ შეფასებული. იგივე ვერ ვიტყვი ზოგ პარტიული განცხადების შესახებ, რომელიც გაკეთდა წინა დღეებში და რომელიც არანაირად არ წაადგება ჩვენს კანდიდატურას და ჩვენს ევროპულ მომავალს" თქვა ზურაბიშვილმა თავის საგანგებო ბრიფინგზე", - თქვა ზურაბიშვილმა

ირაკლი ღარიბაშვილის განცხადებები, რომლებიც მან მთავრობის დღევანდელ სხდომაზე გააკეთა:

• "ოცნებისა" და ივანიშვილის დამსახურებაა ყველა მიღწევა, რომელიც უკავშირდება საქართველოს EU-სთან ინტეგრაციას - ღარიბაშვილი;
• უკრაინასა და მოლდოვას სტატუსს ავანსად აძლევენ, წამახალისებელი ავანსია - ღარიბაშვილი;
• ნამდვილად არ მშურს არც უკრაინის, არც მოლდოვის - ღარიბაშვილი;
• ევროკომისიამ ისტორიული გადაწყვეტილება მიიღო, ვულოცავ თითოეულ ქართველს - ღარიბაშვილი