რუსეთის მტკიცებით, 31 ივლისს ზაპოროჟიედან რუსი სამხედროები ჰოსპიტალში გადაიყვანეს და მათ ორგანიზმში მომწამვლელი ნივთიერება აღმოაჩნდათ
გამოქვეყნდა:
ზაპოროჟიეს რეგიონიდან, რუსი სამხედროები მოწამვლის ნიშნებით ჰოსპიტალში გადაიყვანეს - ინფორმაციას რუსული მედია თავდაცვის სამინისტროზე დაყრდნობით ავრცელებს და ამტკიცებს, რომ "ზელენსკის რეჟიმი" რუსი სამხედრო პერსონალის წინააღმდეგ, მომწამვლელ ნივთიერებებს იყენებდა.
„დონბასსა და სხვა რეგიონებში სამხედრო დამარცხების ფონზე, ზელენსკის რეჟიმმა მოაწყო ტერორისტული აქტები ქიმიური შხამის გამოყენებით რუსი სამხედრო პერსონალისა და მშვიდობიანი მოსახლეობის წინააღმდეგ“, - აცხადებს რუსეთის თავდაცვა.
მათივე თქმით, სამხედრო მოსამსახურეები ზაპოროჟიედან 31 ივლისს გადაიყვანეს საავადმყოფოში მოწამვლის ნიშნებით და მათ ორგანიზმში მომწამვლელი ნივთიერება B ტიპის ბოტულინის ტოქსინი აღმოაჩინეს.
შეგახსენებთ, რუსეთი 4 მარტიდან აკონტროლებს ზაპოროჟიეს ატომურ სადგურს. ოკუპანტებმა არაერთხელ დაბომბეს სადგურის ტერიტორია, რამაც არაერთი ობიექტი დააზიანა და ბირთვული კატასტროფის საფრთხე შექმნა.
ოკუპანტი ქვეყანა უარს აცხადებს სადგურის გარშემო დემილიტარიზებული ზონის შექმნაზე. გუშინ გავრცელებული ინფორმაციით, კი პუტინი მაკრონს დათანხმდა სადგურზე საერთაშორისო სააგენტოს ექსპერტების დაშვებას.
