საქართველოს პროკურატურამ, არასრულწლოვანის გაუპატიურების მცდელობის ფაქტზე, ერთ პირს ბრალდება წარუდგინა.
უწყების ცნობით, ბრალდებულმა ძალადობით და ძალადობის მუქარით არასრულწლოვანის გაუპატიურებას შეეცადა. სასჯელი 15 დან 20 წლამდე ან უვადო თავისუფლების აღკვეთას ითვალისწინებს.
"საქართველოს პროკურატურამ, არასრულწლოვნის გაუპატიურების მცდელობის ფაქტზე, ერთ პირს ბრალდება წარუდგინა.
შინაგან საქმეთა სამინისტროს მიერ ჩატარებული გამოძიებით დადგინდა, რომ 6 სექტემბერს, ბრალდებული 12 წლის დაზარალებულის უმწეობის გამოყენებით, ძალადობით და ძალადობის მუქარით არასრულწლოვნის გაუპატიურებას შეეცადა.
სამართალდამცველებმა ბრალდებული 8 სექტემბერს დააკავეს. მას ბრალდება საქართველოს სისხლის სამართლის კოდექსის 19-137-ე მუხლის მე-4 ნაწილის „გ“ ქვეპუნქტით (გაუპატიურების მცდელობა, ჩადენილი დაზარალებულის უმწეობის გამოყენებით, ძალადობით და ძალადობის მუქარით, წინასწარი შეცნობით არასრულწლოვანის მიმართ) წარედგინა, რაც სასჯელის სახედ და ზომად თხუთმეტიდან ოც წლამდე ან უვადო თავისუფლების აღკვეთას ითვალისწინებს.
პროკურატურა ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით, სასამართლოს კანონით დადგენილ ვადაში მიმართავს.
სისხლის სამართლის საქმეზე გამოძიება გრძელდება", - წერია განცხადებაში
შეგახსენებთ, რომ შიდა ქართლში მომხდარი მძიმე დანაშაულის შესახებ ინფორმაცია გუშინ, 8 სექტემბერს გავრცელდა.
