ჟურნალისტები, პოლიტიკოსები, იურისტები - ნიკა გვარამიას პროცესის პარალელურად "მთავარი არხის" დამფუძნებლის თანამოაზრეები სააპელაციო სასამართლოს ეზოში შეიკრიბნენ. ნიკა გვარამია ოლიგარქ ივანიშვილისა და "ქართული ოცნების" პოლიტიკური მძევალია - ეს სოლიდარობის აქციის მონაწილეების მთავარი სათქმელია.
ყველა თანხმდება, რომ ბრალდება ნიკა გვარამიას წინააღმდეგ აბსურდულია და არსებობს მხოლოდ "ოცნების" პოლიტიკური მოტივაცია - ციხეში გამოკეტოს ყველა, ვინც ოლიგარქიულ რეჟიმს ეწინააღმდეგება და ივანიშვილის პოლიტიკურ კლანს დისკომფორტს უქმნის.
