"შესაძლოა, 1 მილიონამდე რეზერვისტი გამოიძახონ" - Novaya Gazeta ნაწილობრივი მობილიზაციის საიდუმლო პუნქტზე წერს
გამოქვეყნდა:
BBC-ის ცნობით, გაზეთი „ნოვაია გაზეტა ევროპა“ რუსეთის პრეზიდენტის ადმინისტრაციის წყაროზე დაყრდნობით იუწყება, რომ მობილიზაციის განკარგულების მეშვიდე პუნქტი, რომელიც საჯაროდ არის მონიშნული „ოფიციალური გამოყენებისთვის“, რეალურად 1 მილიონამდე ადამიანის მობილიზების საშუალებას იძლევა - "ეს მაჩვენებელი რამდენჯერმე შესწორდა და საბოლოოდ მილიონზე შეჩერდნენ", - ამბობს წყარო.
როდესაც Novaya Gazeta.Europe-მა ჰკითხა პრეზიდენტის პრესმდივანს, დიმიტრი პესკოვს, მან უპასუხა: "ერთადერთი, რაც შემიძლია ვთქვა, არის ის, რომ სერგეი შოიგუმ თავის ინტერვიუში თქვა 300 ათასი ადამიანი".
მოგვიანებით პესკოვმა მობილიზაციის შესახებ დადგენილების მეშვიდე პუნქტის შინაარსის შესახებ ცნობებს სიცრუე უწოდა.
იმავდროულად, პრეზიდენტის ადმინისტრაციის იმავე წყარომ ჟურნალისტებს განუცხადა, რომ თავდაპირველად თავდაცვის სამინისტრო დაჟინებით მოითხოვდა განკარგულების მთლიანი ტექსტის გასაიდუმლოებას, მაგრამ საბოლოოდ გადაწყვიტეს მისი მეშვიდე პუნქტის შეზღუდვა.
BBC წერს, რომ პუტინის მიერ გამოცხადებულ მობილიზაციას ოფიციალურად უწოდებენ "ნაწილობრივს", მაგრამ ბევრი აღნიშნავს, რომ გაწვევის კრიტერიუმები ძალიან ბუნდოვანია.
ამავე თემაზე:
- "300 000 რეზერვისტს გამოიძახებენ" - შოიგუ ნაწილობრივ მობილიზაციაზე
- პუტინმა რუსეთში ნაწილობრივი მობილიზაცია გამოაცხადა
