ბელარუსის პრეზიდენტი, ალექსანდრე ლუკაშენკო ირწმუნება, რომ ქვეყანაში მობილიზაცია არ გამოცხადდება. ინფორმაცია ამის შესახებ ადგილობრივმა სააგენტო "ბელტამ" გაავრცელა.
"მობილიზაცია არ იქნება, ჩვენ არ ვაპირებთ მობილიზებას, ეს ტყუილია", - თქვა მან.
მისი განცხადებით, შესაძლო მობილიზაციაზე მხოლოდ ოპონენტები საუბრობენ. ლუკაშენკო ამბობს, რომ ბელარუსი აუცილებლად უპასუხებს შესაძლო საფრთხეებს, ტერაქტების მცდელობებს.
