კრემლის პრესმდივანი, დიმიტრი პესკოვი აცხადებს, რომ ფსევდორეფერენდუმების ჩატარების შემდეგად, რუსეთის მინიმალური ამოცანაა "დონეცკის სახალხო რესპუბლიკის მთელი ტერიტორიის გათავისუფლება".
"ყოველ შემთხვევაში, რაც შემიძლია გითხრათ აბსოლუტური სიზუსტით, თქვენ იცით, რომ დონეცკის სახალხო რესპუბლიკის ყველა ტერიტორია ჯერ არ არის გათავისუფლებული. საუბარია 2014 წლის საზღვრებში მოქცეულ ტერიტორიაზე. ამიტომ, მინიმუმ, აუცილებელია დონეცკის სახალხო რესპუბლიკის მთელი ტერიტორიის განთავისუფლება", - თქვა პესკოვმა.
პესკოვი ამბობს, რომ "სპეციალური ოპერაცია" გაგრძელდება.
შეგახსენებთ, რომ უკანონო რეფერენდუმები უკრაინის დროებით ოკუპირებულ ტერიტორიებზე 4 დღის განმავლობაში მიმდინარეობდა და გუშინ, 27 სექტემბერს დასრულდა. ოკუპანტი რუსეთის მტკიცებით, მათთან შეერთებას მხარი მოსახლეობის თითქმის 100%-მა დაუჭირა. ამ "რეფერენდუმებს" დასავლეთი და ცივილიზებული სამყარო გმობს.
