NATO-ს წევრი 11 ქვეყანა მზად არის უკრაინა ჩრდილო-ატლანტიკურ ალიანსში იხილოს. ოფიციალური კიევის განაცხადის შემდეგ დასავლეთის მხარდაჭერა ომში მყოფი სახელმწიფოს მიმართ სულ უფრო იზრდება.
სამხედრო დახმარების ფონზე უკრაინის შეიარაღებული ძალების წარმატებული კონტრშეტევების რაოდენობა მატულობს ყოველდღიურად, ხერსონის დასახლებები უკრაინის კონტროლს უბრუნდება, დემორალიზებულ რუსულ არმიას კი მათი შეკავება უჭირს.
პარალელურად კრემლი კიდევ ერთი დარტყმის მოლოდინშია, ევროკავშირის წევრი ქვეყნები ფაქტობრივად შეთანხმდნენ სანქციების მე-8 პაკეტზე, რომელიც კვირის ბოლომდე უნდა დამტკიცდეს.
