შეერთებულმა შტატებმა უკრაინის დასახმარებლად დამატებით 725 მილიონი დოლარის ღირებულების დახმარება გამოყო, ინფორმაციას აშშ-ს თავდაცვის სამინისტრო ავრცელებს.
პენტაგონის ცნობით, დახმარების ეს ახალი პაკეტი მოიცავს:
- HIMARS-ის სისტემების დამატებით რაკეტებს
- 155 მმ-იანი კალიბრის 23 000 საარტილერიო ჭურვს
- 5000 ერთეული დისტანციური მართვის ტანკსაწინააღმდეგო ნაღმს
- 5000 ტანკსაწინააღმდეგო იარაღს
- 200 ერთეული მაღალი მობილურობის მრავალფუნქციური ბორბლიანი მანქანას
- სამედიცინო აღჭურვილობას
პენტაგონის ინფორმაციით, საერთო ჯამში 2021 წლის იანვრიდან შეერთებულმა შტატებმა უკრაინას 18,2 მილიარდ დოლარზე მეტი ღირებულების დახმარება გაუწია. დაახლოებით 17,6 მილიარდ დოლარზე მეტი დახმარება კი მას შემდეგ გამოიყო, რაც რუსეთი უკრაინაში შეიჭრა.
