ომის კვლევის ინსტიტუტი უკრაინაში რუსეთის ომზე ამერიკელი ანალიტიკოსების ყოველდღიურ მიმოხილვას ავრცელებს.
იხილეთ ISW-ის 15 ოქტომბრის ყოველდღიური ანალიზის მთავარი მიგნებები:
- რუსეთი უკრაინელების იძულებით დეპორტაციას ახორციელებს, რაც გარდა გენოციდის დანაშაულის პრევენციისა და დასჯის კონვენციის აშკარა დარღვევისა, სავარაუდოდ, მიზანმიმართულ ეთნიკურ წმენდას წარმოადგენს.
- ცნობილმა რუსმა სამხედრო ბლოგერებმა, რომლებმაც გუშინ თქვეს, რომ არსებობს "მოსაკლავი ადამიანების სია", რომელიც სავარაუდოდ, რუსეთის თავდაცვის სამინისტროს მიერ არის ორგანიზებული, მოგვიანებით ინფორმაცია უარყვეს.
- ვაგნერის დაჯგუფება, სავარაუდოდ, აგრძელებს ძალისხმევას დაამტკიცოს თავისი უპირატესობა თავდაცვის სამინისტროსა და რუსეთის უფრო კონვენციურ სახმელეთო ძალებზე.
- რუსეთმა სავარაუდოდ, ხელი მოაწერა ახალ კონტრაქტს ირანთან Arash-2-ის უპილოტო თვითმფრინავების მიწოდებაზე. (ვრცლად)
- რუსული ძალები განაგრძობდნენ შეტევებს კრემინას დასავლეთით.
- რუსი სამხედრო ბლოგერები ინტენსიურად განიხილავენ უკრაინის კონტრშეტევის ალბათობას კრემინასა და სვატოვზე.
- რუსული წყაროები ირწმუნებიან, რომ უკრაინის ჯარებმა კონტრშეტევა დაიწყეს ჩრდილოეთ ხერსონის ოლქში.
- რუსეთის ძალებმა გააგრძელეს სახმელეთო შეტევები დონეცკის ოლქში.
- უკრაინულმა ძალებმა, სავარაუდოდ, დაარტყეს რუსულ სამხედრო აქტივებს, რომლებიც განლაგებულია რუსეთის სახმელეთო საკომუნიკაციო ხაზების (GLOCs) გასწვრივ ზაპოროჟიასა და დონეცკის სამხრეთ ოლქში.
- მობილიზებული რუსული ძალები ბელგოროდის ოლქის საწვრთნელ მოედანზე ძმათამკვლელ ჩხუბში ჩაერთნენ. (ვრცლად)
- რუსეთისა და საოკუპაციო ადმინისტრაციის წარმომადგენლები განაგრძობდნენ გადაადგილების შეზღუდვის დაწესებას და მკაცრი სამართალდამცავი საქმიანობის განხორციელებას რუსეთის მიერ ოკუპირებულ ტერიტორიებზე.
