ომის კვლევის ინსტიტუტი უკრაინაში რუსეთის ომზე ამერიკელი ანალიტიკოსების ყოველდღიურ მიმოხილვას ავრცელებს.
იხილეთ ISW-ის 16 ოქტომბრის ყოველდღიური ანალიზის მთავარი მიგნებები:
- რამდენიმე რუსული წყარო ხერსონის მიმართულებით უკრაინელების შესახებ თავდასხმების შესახებ იტყობინება, ადგილზე დაბომბვისა და სარაკეტო თავდასხმების შესახებ ინფორმაცია უკრაინულ წყაროებშიც ვრცელდება, თუმცა უკრაინული ძალები ოპერაციის შესახებ სიჩუმეს ინარჩუნებენ.
- უკრაინის სამხედრო ოფიციალურმა პირებმა განაცხადეს, რომ 16 ოქტომბერს რუსულმა ძალებმა ყალბი ინფორმაცია გაავრცელეს, თითქოს ბოლო რამდენიმე დღის განმავლობაში მათ ბახმუტთან ახლოს რამდენიმე ქალაქი აიღეს, თუმცა უკრაინული ძალები ფრონტის ხაზს რუსული თავდასხმის წინააღმდეგ იცავდნენ. ჩრდილო-აღმოსავლეთ და სამხრეთ უკრაინაში მუდმივი დანაკარგების ფონზე, რუსეთი სავარაუდოდ, თავის წარმოჩენისთვის ბახმუტის რაიონში წინსვლის შესახებ ცნობებს აყალბებს.
- უკრაინის მთავარმა სადაზვერვო სამმართველომ 100 000 დოლარის ოდენობის ჯილდო დააწესა ცნობილი რუსი სამხედრო ბლოგერისა და ყოფილი მარიონეტული მეთაურის, იგორ გირკინის დაჭერისთვის. სამმართველომ დაადასტურა გავრცელებული ინფორმაცია იმის შესახებ, რომ გირკინი უკრაინაში იმყოფება და განაცხადა: "ცნობილია, რომ ერთ-ერთმა ყველაზე ცნობილმა რუსმა ტერორისტმა გადაწყვიტა განაახლოს მონაწილეობა ომში. ჩვენი სახელმწიფოს წინააღმდეგ".
- უკრაინული წყაროების ცნობით, რუსი საოკუპაციო ოფიციალური პირები ხერსონში აძლიერებენ ფილტრაციის ზომებს უკრაინელი პარტიზანების წინააღმდეგ და აჩქარებენ მცდელობებს ხერსონიდან ყირიმში ძირითადი მასალების და პერსონალის ევაკუაციისთვის.
- 16 ოქტომბერს მოსკოვის გარეუბანში უცნობი პირები სამხედრო კომისარიატს მოლოტოვის კოქტეილებით თავს დაესხნენ.
- გავრცელებული ინფორმაციით, კრასნოდარში ადგილობრივი რუსეთის ხელისუფლება 2022 წლის დეკემბრისთვის დამატებით 1000 ადამიანის მობილიზებას აპირებს. გარდა ამისა, ის გასართობი ღონისძიებებისთვის გამოყოფილი თანხების მობილიზებული პირებისთვის გადამისამართების შესახებ წინადადებას განხილავს. ეს ეწინააღმდეგება პუტინის განცხადებას, რომ 2022 წლის ოქტომბრის ბოლოს მობილიზაცია დასრულდება.
- სამედიცინო დახმარების ნაკლებობა, როგორც ფრონტზე, ისე უკანა რაიონში რუსეთის ქვედანაყოფებში ამძიმებს ისედაც მძიმე მორალურ პრობლემებს.
იხილეთ ასევე:
