ევროკავშირის ახალი სანქციები და ახალი სამიზნე. უპილოტო საფრენი აპარატებით რუსეთის ფედერაციის მომარაგების გამო, ირანს საერთაშორისო შეზღუდვები უწესდება. გადაწყვეტილება ევროკავშირის წევრი ქვეყნების ელჩებმა უპრეცენდენტოდ მოკლე დროში მიიღეს.
კრემლის განცხადებების მიუხედავად, სწორედ მკვლელი დრონებით განაგრძობს საოკუპაციო არმია შეტევებს უკრაინის მშვიდობიან მოსახლეობასა და სამოქალაქო ობიექტებზე. პარალელურად, ინტენსიურად იბომბება უკრაინელი სამხედროების მიერ დეოკუპირებული ტერიტორიები. აგრესორი ქვეყანა ცდილობს მაქსიმალური ზიანი მიაყენოს იმ დასახლებებს, საიდანაც უკვე განდევნეს.
