საგამოძიებო ჯგუფმა Bellingcat-მა, დაადგინა რუსეთის შეიარაღებული ძალების მთავარი გამომთვლელი ცენტრის საიდუმლო ქვეგანყოფილების თანამშრომლების ვინაობა. მედიის ცნობით, ისინი უკრაინაში ზუსტი რაკეტების დამიზნებასა და სამოქალაქო ინტრასტრუქტურაზე თავდასხმებში მონაწილეობენ.
მედია წერს, რომ მიუხედავად ასობით ღია კოდის სურათისა და ვიდეოსა, რომლებიც აჩვენებენ საკრუიზო რაკეტებს და მათ სასიკვდილო ზემოქმედებას, ცოტა რამაა ცნობილი იმის შესახებ, თუ ვინ არის პასუხისმგებელი მათი სამიზნეების დაყენებაზე და მათი ფრენის ბილიკების დაპროგრამებაზე.
Bellingcat-მა 6 თვე იმუშავა The Insider-თან და Der Spiegel-თან ერთად. მათ შეძლეს აღმოეჩინათ ათობით სამხედრო ინჟინრისგან შემდგარი აქამდე საიდუმლო ჯგუფები, რომლებსაც აქვთ საგანმანათლებლო და პროფესიული გამოცდილება რაკეტების პროგრამირებაში.
იდენტიფიცირებული წევრების უმეტესობა ახალგაზრდები არიან, ზოგიერთი ასევე მუშაობდა რუსეთის სამხედრო სამეთაურო ცენტრში დამასკოში 2016-დან 2021 წლამდე პერიოდში, ამ პერიოდის განმავლობაში რუსეთმა განათავსა საკრუიზო რაკეტები სირიაში.
სატელეფონო მეტამონაცემები გვიჩვენებს, რომ ამ პირებსა და მათ უფროსებს შორის კონტაქტები გაიზარდა რუსული საკრუზიო რაკეტების გაშვებამდე ცოტა ხნით ადრე, რამაც ასობით ადამიანი იმსხვერპლა და მილიონობით ადამიანს წაართვა უკრაინაში ელექტროენერგია და გათბობა. ჯგუფი, რომელიც მუშაობს ორი ადგილიდან - ერთი მოსკოვში თავდაცვის სამინისტროს შტაბ-ბინაში და მეორე სანქტ-პეტერბურგში ადმირალიის შტაბ-ბინაში - ღრმად არის ჩაფლული რუსეთის შეიარაღებულ ძალებში, "გენერალური შტაბის მთავარი გამოთვლითი ცენტრი", ხშირად შემოკლებით, როგორც ГВЦ (GVC).
მედია წერს, რომ ერთ-ერთმა ინჟინერმა, რომელსაც დაუკავშირდნენ, არ უარყო მათი კუთვნილება ამ ერთეულთან, მაგრამ მიუთითა, რომ მათ არ შეეძლოთ უსაფრთხოდ ეპასუხათ კითხვებისთვის.
"კიდევ ერთმა წევრმა, ანონიმურობის პირობით, გაგვიზიარა გარკვეული კონტექსტური ინფორმაცია იმის შესახებ, თუ როგორ დაევალა ჯგუფს ხელით დაეპროგრამებინა რუსული მაღალი სიზუსტის საკრუიზო რაკეტების ფრენის გზები და მათი მეთაურის, ვიცე-პოლკოვნიკ იგორ ბაგნიუკის რამდენიმე ფოტო. ამ პიროვნებამ ასევე მიაწოდა GVC გამოთვლითი ჯგუფის ჯგუფური ფოტოები, რომლებიც პოზირებდნენ მოსკოვში თავდაცვის სამინისტროს შენობის წინ", - წერს გამოცემა.
ვიცე-პოლკოვნიკ იგორ ბაგნიუკის სატელეფონო ჩანაწერების კუმულაციური ნაწილის ანალიზით, ჟურნალისტებმა აღადგილეს 33 სამხედრო-ინჟინრის გუნდი, რომლებიც, როგორც ჩანს, ხშირად ესაუბრებოდნენ ვიცე-პოლკოვნიკ ბაგნიუკს. ინჟინრების ფარული ჯგუფი, როგორც ჩანს, შედგება სამი გუნდისგან, თითოში დაახლოებით 10 ინჟინერია. თითოეული გუნდი მუშაობს ერთი კონკრეტული მაღალი სიზუსტის რაკეტის ტიპზე.
