აშშ-ის ახალი დახმარების პაკეტი უკრაინაში არის ინვესტიცია უსაფრთხო XXI საუკუნეში - ასე აფასებს უკრაინის თავდაცვის მინისტრი 400 მილიონიან სამხედრო დახმარებას უკრაინისთვის. რეზნიკოვი მადლობას უხდის აშშ-ს პრეზიდენტს, თავდაცვის მდივანსა და ამერიკელ ხალხს უკრაინის მხარდაჭერისთვის:
"ამერიკის შეერთებული შტატების უსაფრთხოების დახმარების ახალი, 400 მილიონი დოლარის ღირებულების პაკეტი, კიდევ ერთი ნაბიჯია სიკეთის გამარჯვებისკენ ბოროტებაზე და ინვესტიცია უსაფრთხო 21-ე საუკუნეში. თითოეული საჰაერო თავდაცვის სისტემა გადაარჩენს ათობით უკრაინელ სიცოცხლეს. თითოეული ტანკი გაანადგურებს ასობით დამპყრობელს." წერს რეზნიკოვი ტვიტერზე.
თეთრმა სახლმა უკრაინისთვის 400 მილიონიანი სამხედრო დახმარების შესახებ გუშინ, 4 ნოემბერს გამოაცხადა.
