შეერთებულმა შტატებმა და ესპანეთმა განაცხადეს, რომ უკრაინას გაუგზავნიან ახალ საჰაერო თავდაცვის სისტემებსა და რაკეტებს - ამის შესახებ ინფორმაციას BBC ავრცელებს.
აშშ-ს პრეზიდენტის ადმინისტრაციის ეროვნული უსაფრთხოების მრჩეველმა ჯეიკ სალივანმა გამოაცხადა, რომ შეერთებული შტატები უკრაინას Avenger-ის საზენიტო გამშვებებს გადასცემს - ეს არის მობილური დანადგარები, რომლებიც ისვრის Stinger-ის რაკეტებს, რომელიც არის მოკლე დისტანციური საჰაერო თავდაცვის სისტემა. რამდენი ასეთი დანადგარი გადაიცემა ომში მყოფ ქვეყანას, ჯერ არ არის ცნობილი.
გარდა ამისა, სალივანის თქმით, შეერთებული შტატები უკრაინას გაუგზავნის რაკეტებს Hawk-ის ინსტალაციისთვის. ამავდროულად, ესპანეთმა პირობა დადო, რომ უკრაინას გადასცემს ორ ასეთ ინსტალაციას. Hawk არის საშუალო დისტანციის საზენიტო სისტემა: მისი რაკეტები ხვდება სამიზნეებს 50 კმ-მდე დაშორებით და 20 კმ-მდე სიმაღლეზე.გარდა საზენიტო დანადგარებისა, ესპანეთი უკრაინას გადასცემს ჰაუბიცების ბატარეას, დენის გენერატორებს.
