უკრაინის შეიარაღებული ძალების გენერალური შტაბის განცხადებით, თავდაცვის ძალებმა ლუგანსკის ოლქის ქალაქ სვატოვოში მტრის ერთ-ერთ ადგილსამყოფელს დაარტყეს. უწყება ამბობს, რომ წინასწარი ცნობებით, მოკლულია 20-მდე რუსი სამხედრო. დაჭრილია 30-ზე მეტი.
გენერალური შტაბი ამბობს, რომ რუსების ძალისხმევა მიმართულია უკრაინის თავდაცვის ძალების ქვედანაყოფების შეკავებაზე. ბოლო 24 საათის განმავლობაში უკრაინის ცნობით, რუსეთმა 9 რაკეტა ისროლა და 13 საჰაერო დარტყმა განახორციელა, ასევე, 50-ზე მეტი დაბომბვა რეაქტიული საცეცხლე სისტემებიდან მოხდა.
უკრაინის შეიარაღებულმა ძალებმა მოიგერიეს თავდასხმები 10 დასახლებულ პუნქტზე და ჩამოაგდეს მტრის 2 თვითმფრინავი.
