რუსეთმა უკრაინიდან სულ მცირე, 1 მლრდ აშშ დოლარის უკრაინული მარცვლეული მოიპარა, - ინფორმაციას ამის შესახებ Bloomberg NASA-ს კვლევის შედეგებზე დაყრდნობით ავრცელებს.
გამოცემა წერს, რომ აღნიშნული კვლევა ხელოვნური ინტელექტის გამოყენებით ჩატარდა. სატელიტური მასალების გაანალიზების შედეგად დაადგინა, რომ თითქმის 6 მილიონი ტონა ხორბალი უკრაინის დროებით ოკუპირებულ ტერიტორიებზე აიღეს.
გამოცემის თანახმად, ამ მომენტისთვის უცნობია, სად არის აღებული უკრაინული მარცვლეული.
გარდა ამისა bloomberg წერს, რომ NASA-ს გუნდმა დაითვალა, რომ წელს უკრაინაში ფერმერებმა 26.6 მილიონი ტონა ხორბლის მოსავალი აიღეს, რაც რამდენიმე მილიონი ტონით აღემატება ძირითად პროგნოზებს.
