ჩვენთან ერთად მოიპოვეთ თავისუფლება!
პატარა უკრაინული ქალაქი ბახმუტი ახლა მთელი მსოფლიოს ყურადღების ცენტრში და კრემლის სამიზნეშია. რუსულმა არტილერიამ მიწასთან გაასწორა დასახლება, რომელიც ფაქტობრივად აკონტროლებს მაგისტრალების დიდ ნაწილს დონეცკის ოლქის ჩრდილოეთში.
ბახმუტის გარდა, თითქმის ათას კილომეტრიან ფრონტის ხაზზე დაპირისპირების კიდევ რამდენიმე კერაა, თუმცა უკრაინელები ძირითადად სარაკეტო იერიშების მოგერიებით არიან დაკავებული და ამიტომ რუსეთის კიდევ ერთი შეტევითი ოპერაცია ჩავარდნის პირასაა. ისევე, როგორც მთლიანად ომი უკრაინაში, რომლის დაგეგმვისა და წამოწყების შესახებ საიდუმლო ინფორმაციას ერთ-ერთი ბრიტანული კვლევით ორგანიზაცია აქვეყნებს.
