თუ ეს დამოკიდებულებაა, თავისთვის დაიტოვონ ეს არაფრისმომცემი სტატუსი - კალაძე ევროპარლამენტარების კრიტიკაზე

მერი კალაძე ევროპარლამენტარების კრიტიკას "საოცარ განცხადებებს" უწოდებს და ამბობს, რომ თუ ევროკავშირის კანდიდატის სტატუსის მიღება "კონკრეტულ სისხლის სამართლის დანაშაულზეა" [მიხეილ სააკაშვილის საქმე] დამოკიდებული, მაშინ ევროპამ "თავისთვის დაიტოვოს არაფრისმომცემი სტატუსი". 

"საოცარი განცხადებები ისმის. საერთოდ მაშინ რა საჭირო იყო იმ 12 პუნქტიანი გეგმის წარმოდგენა და ზოგადად მაშინ  რა საჭიროა მისი შესრულება ხო?  თუ ეს კონკრეტულ სისხლის სამართლის დანაშაულს ვაყენებთ კითხვის ნიშნის ქვეშ, სტატუსის მიღება-არმიღებასთან დაკავშირებით, თუ ეს დამოკიდებულებაა, თავისთვის დაიტოვონ ეს არაფრის მომცემი სტატუსიც მაშინ, ჩვენ ჩვენს გასაკეთებელს კი ყოველთვის გავაკეთებთ "- განაცხადა კახა კალაძემ.

ევროპარლამენტარები მოუწოდებენ "ქართულ ოცნებას" მიიღოს სწორი  გადაწყვეტილება  და რაც შეიძლება სწრაფად მისცენ მესამე პრეზიდენტს საზღვარგარეთ მკურნალობის საშუალება.

ევროპელი დეპუტატები ღიად ამბობენ, რომ ქვეყანა დაშორდა დემოკრატიას და სახელმწიფო ოლიგარქ ივანიშვილს აქვს მიტაცებული.

გუშინდელ სხდომაზე, თითქმის ყველა გამომსვლელმა თქვა, რომ მესამე პრეზიდენტისთვის სათანადო მკურნალობის უფლების შეზღუდვა და მისი სიცოცხლისთვის საფრთხის შექმნა საქართველოს მთავრობის პასუხისმგებლობაა - თუ გააგრძელებენ სააკაშვილის წამებას, საქართველო ვერასდროს შევა ევროკავშირში  - ასეთია გზავნილები ევროპარლამენტიდან. 

იხილეთ ევროპარლამენტარების განცხადებები:

• მიხეილ სააკაშვილს სათანადო სამედიცინო დახმარების მიღების უფლება ერთმევა, ეს პუტინის სტანდარტებია - ევროპარლამენტარი;
• მოვუწოდებ ხელისუფლებას, გამოუშვით პრეზიდენტი სააკაშვილი, მიეცით მკურნალობის საშუალება - მაკალისტერი;
• “მიხეილ სააკაშვილის სიცოცხლე თქვენს სინდისზე იქნება” | რასა იუკნევიჩიენეს მიმართვა;
• "ბიძინა ივანიშვილი 10 წლის წინ დაგვპირდა დემოკრატიული სახელმწიფოს აშენებას, სინამდვილეში კი მიტაცებული ქვეყანა მივიღეთ" | ვიოლა ფონ კრამონი;
• "აიღონ პასუხისმგებლობა მიხეილ სააკაშვილის ჯანმრთელობაზე" | ჰელენა დალი საქართველოს ხელისუფლებაზე;
• "აუცილებელია, მიხეილ სააკაშვილის საკითხი გადაწყდეს პოზიტიურად..." | სვენ მიქსერის მიმართვა საქართველოს ხელისუფლებას