"ერთადერთი, რაც მიხეილ სააკაშვილს გადაარჩენს, უცხოურ კლინიკაში მკურნალობაა... ვიმედოვნებ, რომ საქართველოს მთავრობას ამის საკმარისი ადამიანობა აქვს", - ამის შესახებ უკრაინის ვიცე-პრემიერი და ციფრული ტრანსფორმაციის მინისტრი მიხაილო ფედოროვი Twitter-ზე წერს.
მიხეილ სააკაშვილის ჯანმრთელობის მდგომარეობა საკმაოდ მძიმეა. ერთადერთი რაც მას გადაარჩენს, ეს უცხოურ კლინიკაში მკურნალობაა. ვიმედოვნებ, რომ საქართველოს მთავრობას ამის გასაკეთებლად საკმარისი ადამიანობა აქვს. სიცოცხლის უფლება და ადამიანის უფლებების პატივისცემა ცივილიზებული სამყაროს ძირითადი ღირებულებებია, - წერს ფედოროვი.
