უკრაინის გენშტაბის ინფორმაციით, რუსი ოკუპანტები იძულებული არიან, დროებით ოკუპირებულ ტერიტორიებზე დაჭრილი ჯარისკაცებისა და დაქირავებული ჯარისკაცების სამკურნალოდ სამოქალაქო ჯანდაცვის დაწესებულებები გამოიყენონ.
მაგალითად, მხოლოდ ლუგანსკის ოლქში, ბილოვოდსკში "ვაგნერის" 100-ზე მეტი დაჭრილი წევრი მკურნალობს, ტოკმოკში, ე.წ. "სამხედრო ჰოსპიტლის" ტერიტორიაზე კი 120-მდე დაჭრილი რუსი ოკუპანტია.
ასევე, უწყების ინფორმაციით, ოკუპანტებმა დონეცკიდან მარიუპოლში სამედიცინო აღჭურვილობა და ექიმები წაიყვანეს.
