ახალი წლის ღამეს რუსეთმა უკრაინის ქალაქებს რამდენიმე სერიის რაკეტა ესროლა. კიევის მერის ვიტალი კლიჩკოს ინფორმაციით, კიევში დაბომბვის შედეგად 1 ადამიანი დაიღუპა და 20 დაშავდა, მათგან 14 საავადმყოფოში გადაიყვანეს.
გარდა ამისა, უკრაინის დედაქალაქის სოლომენსკის რაიონში 2 სკოლისა და საბავშვო ბაღის შენობაც დაზიანდა.
ქალაქ ხმელნიცკის ხელმძღვანელის, სერგეი გამალის თქმით, დაბომბვის შედეგად 7 ადამიანი დაშავდა, მათგან სამი მძიმე მდგომარეობაშია.
რაც შეეხება ზაპოროჟიეს, სარაკეტო თავდასხმის შედეგად 4 ადამიანი დაშავდა, მათგან 1 რეანიმაციაშია.
უკრაინის შეიარაღებული ძალების ცნობით, რუსეთმა უკრაინაში 20-ზე მეტი რაკეტა გაუშვა, მათგან 12 ჩამოაგდეს.
