უკრაინის შეიარაღებული ძალების სპეციალური ოპერაციების ძალების სარდლობა ამბობს, რომ ასზე მეტი რუსი სამხედრო დაიღუპა სოლედარში. უწყების ცნობით, უკრაინის ძალებმა გამოიყენეს არტილერია და ტაქტიკური სარაკეტო სისტემა "Точка-У" მტრების ლიკვიდაციის მიზნით.
"ასზე მეტი რუსი მაშინვე ჯოჯოხეთში წავიდა სოლედარის რეგიონში.
ეს მოხდა სპეციალური ოპერაციების ძალების ჯარისკაცების, მსროლელებისა და რაკეტების კარგად კოორდინირებული მუშაობის წყალობით", - აღნიშნავს უწყება.
უწყება ამბობს, რომ მათ მიერ განხორციელებული დარტყმების შედეგად ასევე განადგურდა 2 ტყვიამფრქვევის ეკიპაჟი და 2 ნაღმმტყორცნის ეკიპაჟი.
