დნიპროში ოკუპანტების მხრიდან მაღალსართულიანი შენობის დაბომბვის შედეგად დაღუპულთა რიცხვი 25-მდე გაიზარდა - გარდაცვლილთა შორის ერთი ბავშვია. ინფორმაციას უკრაინის პრეზიდენტი ვოლოდიმირ ზელენსკი ავრცელებს.
ზელენსკის ცნობით, ამ დრომდე ნანგრევებიდან 39 ადამიანის, მათ შორის 6 ბავშვის გამოყვანა მოხერხდა. 43 პირი კი დაკარგულად ითვლება.
დაბომბვის შედეგად 73 ადამიანი დაშავდა.
ადგილზე სამძებრო-სამუშაოები გრძელდება.
