"გაზაფხული და ზაფხულის დასაწყისი ომში გადამწყვეტი იქნება..." - ამის შესახებ უკრაინის თავდაცვის სამინისტროს დაზვერვის მთავარი სამმართველოს წარმომადგენელი, ვადიმ სკიბიცკი საუბრობს.
ამბობს, რომ თუ ამ დროს რუსეთის მიერ დაგეგმილი მთავარი შეტევა ჩაიშლება, "ეს რუსეთისა და პუტინის დაშლა იქნება".
მისივე თქმით, კიევზე მტრის ახალი თავდასხმა ბელარუსიდან ნაკლებადაა სავარაუდო, ისევე როგორც, აქტიური მოქმედებები ქვეყნის სამხრეთ ნაწილში. დაზვერვის წარმომადგენელი ამბობს იმასაც, რომ თებერვალ-მარტში ბრძოლები იქნება დონეცკისა და ლუგანსკის რეგიონებისთვის.
