ფრანგმა სამართალდამცველებმა ათი თვის განმავლობაში გაუჩინარებული ელბურულ გარაჯაევი ქალაქ მარნის ავტომანქანების ნაგავსაყრელზე მოკლული იპოვეს. ახალგაზრდა მამაკაცი სასტიკად არის მოკლული, ცხედარს წამების კვალი ეტყობა.
მომხდართან დაკავშირებით საქართველოში მცხოვრებ გარაჯაევის ოჯახს საუბარი უჭირს, თუმცა ახლობლები საზარელ დანაშაულთან მოკლულის მეუღლის კავშირს არ გამორიცხავენ. სწორედ ახალგაზრდა ქალის სატელეფონო მიმოწერებით გახდა შესაძლებელი მკვლელობაში ბრალდებულის დაკავება, რომელიც ასევე საფრანგეთში ცხოვრობს.
