კონფლიქტი სახელისუფლებო ვერტიკალში სულ უფრო მწვავდება. პრეზიდენტის და კულტურის მინისტრის დაპირისპირება გასცდა კულუარულ უთანხმოებას და საჯარო მტრობად იქცა. მეამბოხე არტისტის დევნა თეა წულუკიანის მიერ და მხარდაჭერა სალომე ზურაბიშვილის მხრიდან ქვეყნის ორ უმაღეს საჯარო მოხელეს შორის კიდევ ერთი კონფლიქტის მაპროვოცირებელი აღმოჩნდა. ახლა პრეზიდენტი მინისტრს საბჭოთა მეთოდებით მართვაში ადანაშულებს, თუმცა უფლებადამცველები ქვეყნის მეთაურს პოლიტპატიმრებს ახსენებენ, რომლების შეწყალებაც სწორედ პრეზიდენტს შეუძლია.
