19 თებერვალს რუსებმა დონეცკის ოლქში 3 მშვიდობიანი მოქალაქე მოკლეს. ამის შესახებ ინფორმაციას დონეცკის რეგიონული სამხედრო ადმინისტრაციის ხელმძღვანელი, პაველ კირილენკო ავრცელებს.
კირილენკოს განცხადებით, დაშავებულია კიდევ ერთი სამოქალაქო პირი.
"19 თებერვალს რუსებმა დონეცკის ოლქის 3 მცხოვრები მოკლეს: ბახმუტში, ბოგდანოვკასა და ავდიივკაში. რეგიონში დაშავდა კიდევ ერთი ადამიანი", - წერს კირილენკო Telegram-ზე.
მისივე ინფორმაციით, ამჟამად ზუსტი მსხვერპლის რაოდენობის დადგენა შეუძლებელია მარიუპოლსა და ვოლნოვახაში.
