"ევროკავშირის მიერ რუსეთის წინააღმდეგ შემდგომი სანქციების დამტკიცება გარდაუვალია, ახალი სანქციების პაკეტი უნდა დამტკიცდეს კვირის ბოლომდე", - ამის შესახებ ევროკავშირის უმაღლესმა წარმომადგენელმა საგარეო და უსაფრთხოების პოლიტიკის საკითხებში, ჯოზეფ ბორელმა განაცხადა.
"ეს უნდა დამტკიცდეს უახლოეს რამდენიმე საათში, ნებისმიერ შემთხვევაში 24 თებერვლამდე“, - თქვა ბორელმა პრესკონფერენციაზე ბრიუსელში ევროკავშირის საგარეო საქმეთა მინისტრების შეხვედრის შემდეგ.
მისი თქმით, აღნიშნული ზომები გავლენას სხვა საკითხებთან ერთად, 4 რუსულ ბანკზე, ასევე რუსულ ექსპორტზე, მათ შორის რეზინისა და მძიმე ტექნიკის იმპორტზე მოახდენს.
სანქციების მეათე პაკეტი ევროკავშირის ყველა სახელმწიფოს ერთსულოვან მხარდაჭერას მოითხოვს.
