დიდი ბრიტანეთის დაზვერვა აცხადებს, რომ ბელარუსის მაჩულიშჩის საავიაციო ბაზაზე თავდასხმის შედეგად რუსული A-50 თვითმფრინავის დაკარგვა, სავარაუდოდ, კიდევ უფრო შეზღუდავს რუსეთის საჰაერო ოპერაციებს.
26 თებერვალს ბელარუსულმა პარტიზანულმა დაჯგუფებამ BYPOL-მა და ემიგრაციაში მყოფმა ოპოზიციის ლიდერებმა განაცხადეს, რომ რუსული A-50 თვითმფრინავი დაზიანდა ბაზაზე თავდასხმის დროს.
დაზვერვა განმარტავს, რომ A-50 MAINSTAY არის რუსული საჰაერო სადესანტო ადრეული გაფრთხილებისა და კონტროლის პლატფორმა. მისი როლია საჰაერო სურათის შექმნა და მიმდებარე მოიერიშე თვითმფრინავების კოორდინაციის უზრუნველყოფა. განახლებაში ნათქვამია, რომ დაზიანება ოფიციალურად დადასტურებული არაა, თუმცა A-50 MAINSTAY-ს დაკარგვა მნიშვნელოვანი იქნება მომავალი საჰაერო ბრძოლებისთვის.
"ეს სავარაუდოდ დატოვებს 6 ოპერატიულ A-50-ს ექსპლუატაციაში, რაც კიდევ უფრო შეზღუდავს რუსეთის საჰაერო ოპერაციებს", - წერს დაზვერვა.
