უკრაინა ახლა NATO-სგან წინ გადადგმულ ნაბიჯებს ელის - განაცხადა უკრაინის პრეზიდენტმა ფინეთის პრემიერთან ერთობლივი ბრიფინგისას და აღნიშნა, რომ უკრაინა ვილნიუსის NATO-ს სამიტზეა მიწვეული.
პრეზიდენტმა მადლობა გადაუხადა ალიანსის წევრ ქვეყნებს, ბრძოლაში გაწეული დახმარებისთვის და უსაფრთხოების გარანტიების მნიშვნელობაზე ისაუბრა.
„მაშინაც კი, თუ ომის დროს ვერ შევუერთდებით NATO-ს, ჩვენ გვინდა რომ ადეკვატური უსაფრთხოების გარანტიები გვქონდეს ამ გზაზე, სანამ ჯერ კიდევ არ ვართ ნატოში", - თქვა ვოლოდიმირ ზელენსკიმ.
მისივე თქმით, დამატებითი უსაფრთხოების ზომების მიღებისთვის უკრაინული მხარე უკვე მუშაობს.
