რეპრესიული დარტყმა ტელეკომპანია "ფორმულაზე" ქართული ჟურნალისტიკის დღეს. ივანიშვილის რეჟიმი დიდი ხნის შემუშავებულ გეგმას მიყვება და მისი ძალაუფლებისთვის მთავარ საფრთხეს - კრიტიკულ მედიას მიზანმიმართულად და გეგმაზომიერად ანადგურებს.
სააპელაციო სასამართლოს ვერდიქტი წინა ინსტანციის გადაწყვეტილებას იმეორებს და დავით კეზერაშვილს თავდაცვის სამინისტროსთვის 5 მილიონი ევროს გადახდას ავალდებულებს. რაც ირიბად, საქართველოში მისი ერთადერთი აქტივის, ტელეკომპანია "ფორმულას" დაყადაღებას ნიშნავს. საქმე უზენაეს სასამართლოშიც გაგრძელდება, თუმცა ამ პოლიტიკურად მოტივირებული პროცესის ფინალის გამოცნობა ივანიშვილის საქართველოში ძნელი არ არის.