მსოფლიო მართლმადიდებელმა პატრიარქმა ბართოლმემ ოთხშაბათს განაცხადა, რომ რუსეთის მართლმადიდებლური ეკლესია იზიარებს პასუხისმგებლობას უკრაინაში კონფლიქტზე, მაგრამ ის მზადაა დაეხმაროს რუსეთის ომის შემდგომ "სულიერ აღორძინებაში".
ბართლომემ თქვა, რომ რუსეთის ხელისუფლება ეკლესიას იყენებდა როგორც "ინსტრუმენტს თავისი სტრატეგიული მიზნებისთვის".
"რუსეთის ეკლესია და სახელმწიფო ხელმძღვანელობა თანამშრომლობდნენ აგრესიის დანაშაულში და იზიარებდნენ პასუხისმგებლობას იმ დანაშაულებზე, როგორიცაა უკრაინელი ბავშვების შოკისმომგვრელი გატაცება", - ლიეტუვის პარლამენტში გამართულ კონფერენციაზე.
გასულ კვირას სისხლის სამართლის საერთაშორისო სასამართლომ რუსეთის პრეზიდენტის ვლადიმერ პუტინის დაპატიმრების ორდერი გამოსცა. სასამართლო მას უკრაინიდან ასობით ბავშვის უკანონო დეპორტაციაში ადანაშაულებს. რუსეთი ამბობს, რომ ბავშვები უკრაინიდან საკუთარი უსაფრთხოებისთვის გადაიყვანეს. ის უარყოფს უკრაინაში უფლებების დარღვევას.
რუსეთის მართლმადიდებლურ ეკლესიას მსოფლიო პატრიარქის განცხადებაზე კომენტარი არ გაუკეთებია.
