კანადის პრემიერმინისტრის,ჯასტინ ტრუდოს ინფორმაციით, კანადამ უკრაინისთვის დახმარების ახალი პაკეტი გამოაცხადა. ტრუდოს თქმით, კანადა უკრაინას თავისი სამხედრო საცავებიდან იარაღსა და ტყვიამფრქვევებს გაუგზავნის.
ასევე, ჯასტინ ტრუდოს ინფორმაციით, კანადამ რუსეთის წინააღმდეგ სანქციები გააფართოვა და სიაში შეიყვანა 14 პირი და 32 რუსული ფირმა, მათ შორის PMC Wagner-თან ასოცირებული ფირმები.
ასევე, სანქციების სიაში შედის ბელარუსის ფინანსურ სექტორთან დაკავშირებული ცხრა იურიდიული პირი.
ცნობისთვის, გასული წლის დასაწყისიდან კანადამ უკრაინას 9 მილიარდ კანადურ დოლარზე მეტი სამხედრო, ეკონომიკური და ჰუმანიტარული დახმარება გაუწია.
