დონეცკის ოლქში, სლავიანსკში, საცხოვრებელ კორპუსზე სარაკეტო თავდასხმის შედეგად დაღუპულთა რიცხვი 11-მდე გაიზარდა. დაღუპულთა შორის ორი წლის ბავშვია.
"სლავიანსკში ხუთსართულიანი შენობის ნანგრევებიდან კიდევ ორი გარდაცვლილის ცხედარი ამოიყვანეს", - წერია დონეცკის ოლქის საგანგებო სიტუაციების სახელმწიფო სამსახურის განცხადებაში.
შეგახსენებთ, რომ რუსებმა საცხოვრებელი კორპუსი 14 აპრილს, დაახლოებით 16:00 საათზე დაბომბეს.
დონეცკის რეგიონალური სამხედრო ადმინისტრაციის ხელმძღვანელის პაველ კირილენკოს ინფორმაციით, რუსებმა მშვიდობიანი მოსახლების მისამართით შვიდჯერ S-300 რაკეტა გაისროლეს.
აფეთქების შემდეგ გავრცელდა ინფორმაცია, რომ დაშავდდა სულ მცირე 21 ადამიანი.
