სუდანში საომარი მოქმედებების დროს უკრაინულ SkyUp-ის Boeing 737-ს ცეცხლი გაუჩნდა. თვითმფრინავის მდგომარეობისა და შესაძლო დაზიანების დადგენა ამჟამად შეუძლებელია. ავაიკომპანიის ინფორმაციით, ქვეყანაში მყოფი 36 თანამშრომელი ამჟამად შედარებით უსაფრთხო ადგილას იმყოფება და მათთან დაკავშირება მიმდინარეობს.
"ახლა ჩვენი მთავარი ამოცანაა მოვაწყოთ უსაფრთხო პირობები თანამშრომლების ყოფნისთვის და დავეხმაროთ მათ ქვეყნიდან რაც შეიძლება მალე დატოვონ. ჩვენ ამას ვაკეთებთ ეგვიპტეში უკრაინის საელჩოსთან, სუდანში უკრაინის საპატიო საკონსულოსთან , საქართველოს საგარეო საქმეთა სამინისტროსთან ერთად და უკრაინის საგარეო საქმეთა და სხვა სახელმწიფო სტრუქტურებთან ერთად", - ნათქვამია ავიაკომპანიის განცხადებაში.
ცნობისთვის, SkyUp Airlines-ის თვითმფრინავები სუდანში Sun Air-თან ACMI კონტრაქტით იმყოფებიან. 2023 წლის დასაწყისიდან ისინი ახორციელებდნენ ფრენებს კაიროში, რიადსა და ჯიდაში.
