ევროკავშირი მიესალმება ნებისმიერ სამშვიდობო ინიციატივას, რომელმაც შეიძლება გამოიწვიოს რუსეთის კრიმინალური და არაპროვოცირებული აგრესიის სწრაფი დასრულება უკრაინის წინააღმდეგ, მაგრამ ამავე დროს არ უნდა დაავიწყდეს, ვინ არის აგრესორი და ვინ არის მსხვერპლი ამ კონფლიქტში, - ამის შესახებ ევროკავშირის პრესსპიკერმა, პიტერ სტანომ განაცხადა.
მისი თქმით, უკრაინაში არაპროვოცირებულ აგრესიაზე პასუხისმგებელი რუსეთი და მხოლოდ რუსეთია.
"ჩვენ კომენტარს ვერ გავაკეთებთ თითოეულ თრეილერზე ან იმ კონტექსტზე, რომელშიც ისინი შეიქმნა, მათ შორის, რასაც ბრაზილიის პრეზიდენტი ამბობდა. მე უბრალოდ მინდა შეგახსენოთ ძირითადი ფაქტები. პირველი ფაქტი: უკრაინის წინააღმდეგ განხორციელებულ დანაშაულებრივ და არაპროვოცირებულ აგრესიაზე პასუხისმგებელი რუსეთი და მხოლოდ რუსეთია.
ვინ არის აგრესორი და ვინ არის მისი მსხვერპლი, საუბარი არ არის. რუსეთი კლავს უკრაინის მშვიდობიან მოსახლეობას, ანადგურებს უკრაინის სამოქალაქო ინფრასტრუქტურას, რუსეთი იტაცებს უკრაინელ ბავშვებს, იპარავს უკრაინის საკუთრებას და ტერიტორიას. აშშ და ევროკავშირი, საერთაშორისო პარტნიორებთან ერთად, ეხმარებიან უკრაინას, გამოიყენოს თავდაცვის კანონიერი უფლება", - თქვა სტანომ
ცნობისთვის, ბრაზილიის პრეზიდენტმა G20-ის მოდელზე დაფუძნებული ახალი ფორმატის შექმნისა და უკრაინისთვის სამხედრო დახმარების მიწოდების შეზღუდვის შესახებ ისაუბრა.
