"ჩვენ სასწრაფოდ უნდა შევქმნათ ქვეყნების ჯგუფი, რომლებიც დასხდებიან უკრაინასა და რუსეთთან ერთად მშვიდობის მისაღწევად" - ამის შესახებ ბრაზილიის პრეზიდენტმა ლულა და სილვამ განაცხადა.
მისი თქმით, ბრაზილიის მთავრობა უკრაინის ტერიტორიული მთლიანობის დარღვევას გმობს და მხარს უჭერს კონფლიქტის პოლიტიკური მოლაპარაკებებით გადაწყვეტას.
ბრაზილიის პრეზიდენტი ევროპას რუსეთ-უკრაინის ომში ჩართულობას უწუნებს. როგორც ლულა და სილვამ თქვა, დასავლეთის ქვეყნები უკრაინისთვის იარაღის მიწოდებით, ბრძოლას ახანგძლივებენ.
აშშ-ის პრეზიდენტის ადმინისტრაციის განცხადებით, ბრაზილიის პრეზიდენტი რუსულ და ჩინურ პროპაგანდას იმეორებს.
