ლიეტუვის პრეზიდენტის, გიტანას ნაუსედას განცხადებით, NATO-ს ვილნიუსის სამიტის მოახლოებასთან ერთად, საჭიროა კონკრეტული მექანიზმების პოვნა, ომის დასრულების შემდეგ უკრაინის NATO-ს სივრცეში
სწრაფი ინტეგრაციისთვის.
"NATO-ს ღია კარის შესახებ გადაღეჭილი ფრაზების გამეორების ნაცვლად, გვჭირდება ვიპოვოთ კონკრეტული მექანიზმები ომის დასრულების შემდეგ უკრაინის NATO-ს სივრცეში სწრაფი ინტეგრაციისთვის" - განაცხადა ნაუსედამ.
მისივე განცხადებით, NATO-ში უკრაინის მიღება ჩრდილოატლანტიკურ ალიანსს გააძლიერებს, რადგანაც უკრაინას ეყოლება არმია, რომელსაც სხვა ევროპული ქვეყნის არმიებთან შედარებით, ყველაზე მდიდარი გამოცდილება ექნება.
აღსანიშნავია, რომ უკრაინის პრეზიდენტმა ვოლოდიმირ ზელენსკიმ NATO-ს ვილნიუსის სამიტში მონაწილეობის მიწვევა უკვე მიიღო.
ცნობისთვის, სამიტი 11-12 ივლისს გაიმართება.
