უკრაინის პრეზიდენტი ვოლოდიმირ ზელენსკი გერმანიის უსაფრთხოების კაბინეტის წევრებს შეხვდა. შეხვედრას გერმანიის კანცლერი, ვიცე-კანცლერი, ეკონომიკისა და კლიმატის საკითხებში მინისტრი რობერტ ჰაბეკი, საგარეო საქმეთა მინისტრი ანნალენა ბაერბოკი, თავდაცვის მინისტრი ბორის პისტორიუსი და ფინანსთა მინისტრი კრისტიან ლინდნერი ესწრებოდნენ.
ზელენსკიმ გერმანიის უშიშროების კაბინეტის წევრებს ფრონტზე არსებული ვითარება და უკრაინის თავდაცვის ძალების პრიორიტეტული საჭიროებები გააცნო, სახელმწიფოს მეთაურმა ხაზი გაუსვა უკრაინას ყველა სახის იარაღის მიწოდებაზე შეზღუდვებისა და წითელი ხაზების გაუქმების აუცილებლობას.
"გასული წლის 24 თებერვლიდან, "ეპოქების შეცვლასთან ერთად", როგორც თქვენ ასე სწორად ამბობთ, ჩვენს ქვეყნებს შორის ურთიერთობა ძირეულად შეიცვალა" - განაცხადა ზელენსკიმ.
უკრაინის პრეზიდენტმა მადლობა გადაუხადა კანცლერს ამ ტრანსფორმაციებში მისი პირადი როლისთვის და იმედი გამოთქვა გერმანიის ხელმძღვანელობის მიმართ თვითმფრინავების კოალიციის ჩამოყალიბებაში.
ზელენსკიმ მიესალმა ფედერალური მთავრობის გადაწყვეტილებას, გამოყოს თანხები უკრაინისთვის 2032 წლამდე აუცილებელი სამხედრო ტექნიკის შესაძენად, საერთო ოდენობით 17 მილიარდი ევრო.
შეხვედრაზე განიხილეს ორმხრივი თანამშრომლობის აქტუალური საკითხების სრული სპექტრი. განსაკუთრებული ყურადღება დაეთმო უკრაინის უსაფრთხოების მხარდაჭერას და ამ სფეროში არსებითი თანამშრომლობის განვითარებას; გერმანიის ჩართულობა უკრაინის რეკონსტრუქციაში, მათ შორის კერძო სექტორის როლი ამ პროცესში, ასევე თანამშრომლობა უკრაინის ევროპული და ევროატლანტიკური ინტეგრაციის გზაზე.
